மடத்துக்குளம்: மடத்துக்குளத்தில் நலம் அறக்கட்டளையின் சார்பில் பல் மருத்துவ முகாம் நடந்தது.
இந்திய பல் மருத்துவ சங்கம் உடுமலை கிளை, மடத்துக்குளம் கே.கே., திருமண மண்டப நிர்வாகம், நலம் அறக்கட்டளையின் சார்பில் மண்டபத்தில் முகாம் நடந்தது. ஒருங்கிணைப்பாளர் ஆதர்ஷா முகாமை நடத்தினார். நுாற்றுக்கும் மேற்பட்டோர் முகாமில் பங்கேற்றனர்.
உடுமலை அறம் கிளினிக் சார்பில் ரத்த அழுத்தம் மற்றும் சர்க்கரை அளவுகளுக்கான பரிசோதனை செய்யப்பட்டது.
பல் கிளிப் பொருத்துதல், பல் ஈறு அறுவை சிகிச்சை, பல் வேர்சிகிச்சை, குழந்தைகளுக்கான சிகிச்சை, செயற்கை பல்செட், முகம்தாடை அறுவை சிகிச்சை குறித்து நிபுணர்கள் ஆலோசனை வழங்கி பரிசோதனை செய்தனர். பல் டாக்டர் நரேந்திரன் நன்றி தெரிவித்தார்.